ЗАЛХУУ ГЭДЭГ НЬ ТЭНЭГ ГЭСЭН ҮГ БИШ Залхуу хүмүүст зориулсан хамгийн өндөр цалинтай мэргэжлүүд

Залхуу байна гэдэг тэнэг байна гэсэн үг биш шүү дээ. Дэлхий дээр мэргэжлийн ур чадвар шаарддаггүй мөн хүчин чармайлтгүйгээр хийж болох хэд хэдэн өндөр цалинтай ажлын байр байдаг аж. Дараах мэдээлэлд тэдгээр мэргэжилүүдийг дурдъя:

1- Видео тоглоом шалгагч

Видео тоглоом шалгагч нар цагт 10-18 долларын цалинтай байдаг ба өөрөөр хэлбэл жилд дунджаар 30 мянган доллар авдаг гэсэн үг юм. Тэдний зорилго нь тоглоомыг тоглоод бүх алдаа дутагдлыг тайлагнахад оршдог ажээ.

2- Хятадад англи хэлний багшаар ажиллах

Хятадад англи хэлний багш хамгийн эрэлт хэрэгцээтэйгээр тодроод байгаа бөгөөд англиар ярьдаг байхад л хангалттай байдаг гэнэ. Зарим сургуулиуд ажлын туршлага болон боловсролд анхаарлаа хандуулаад байдаггүй юм байна. Тиймээс англиар арай гэж ярьдаг хүн ч ачаалал багатайгаар мөнгө олох боломжтой гэсэн үг юм. Хятадын гадаад хэлний багш нар хамт ажилладаг мэргэжлийн багш нарын цалингаас 3 дахин их цалин авдаг ажээ.

3-Зочид буудлын ор шалгагч

Ор шалгагч нар ихэвчлэн үнэтэй зочид буудлуудад “ажилладаг”. Эдгээр хүмүүсийг аялал жуулчлалын агентлагууд ихээр хөлсөлдөг. Ор шалгагчид шөнийг зочид буудалд өнгөрүүлээд дараа нь ажил олгогчдоо хэрхэн унтсанаа тайлагнадаг ажээ.

4-Шар айраг амтлагч

Энэ ажлыг хийхэд зөвхөн шар айраг уугаад зогсохгүй цалин авах боломжтой. Гэвч энэ мэргэжилд тодорхой ур чадвар хэрэгтэй. Та шар айраг исгэх нарийн техникийн дамжаанд явсан байх ёстойгоос гадна ундааны өвөрмөц амтыг тодорхойлж, мэдрэмжээ бүрэн илэрхийлэх зарим нэршлүүдийг сайн мэддэг байх хэрэгтэй. Ийм мэргэжлийг ихэвчлэн шар айрагны үйлдвэрийн ажилчдаас сонгон шалгаруулдаг.

5-Нойрны судалгааны туршилтанд оролцогч

Унтаж мөнгө олох өөр нэгэн хялбар ажил. Төрөл бүрийн эрүүл мэндийн байгууллагууд нойртой холбоотой судалгаа явуулдаг бөгөөд тэд туршилтанд оролцох хүн үргэлж хайж байдаг. Туршилтанд орох хүмүүс тодорхой насны хүмүүс байх эсвэл тодорхой нэг амьдралын хэв маягтай хүмүүсийг оролцуулдаг. Судалгаанд оролцогч нар өдөрт дунджаар 1000 долларын цалин авдаг юм байна.

6-Киноны арын дүр

Бидний үздэг кинонуудын арын хэсэгт гарж байдаг хүмүүс мэргэжлийн жүжигчид гэдгийг мэдэх үү? Тэдний дунд Оскарын шагнал авах гэж зүтгэдэггүй ч хялбар аргаар мөнгө олох хүсэлтэй хүмүүс их бий. Тэд өдөрт 100 долларын цалин авдаг. Хэрэв зураг авалт 8-аас их цаг үргэлжилвэл тэдний цалинг 2 нугалж өгдөг. Хэрэв зураг авалтын үеэр хувийн зүйлээ ашиглаж байгаа бол (хувцас, машин гэх мэт) нэмэлт төлбөр авах ёстой байдаг юм байна.

7-Мэргэжлийн нохой салхилуулагч

Завгүй эзэд нохойгоо танихгүй хүнд өгч асруулахдаа баяртай байдаг гэнэ. Нохойг салхилуулахад цагийн 50 доллар авдаг юм байна. Энэ нь тухайн улс орон болон эздийн төлбөрийн чадвараас ихээхэн хамаардаг аж.